كورس تصميمات السوشيال ميديا من الصفر حتى الاحتراف عن طريق الهاتف
مقدمة
عايز تبدأ شغل من البيت وتايه ؟ عايز تبقا فريلانسر ومش عارف تبدأ إزاي ومنين ؟ بتحب مجال فوتوشوب والتصميم والإبداع، عندك موهبة فنية وعايز تقدمها بس مش عارف تبدأ إزاي ؟ عايز تتعلم جرافيك ديزاين عايز تشتغل على برامج أدوبي فوتوشوب و ادوبي اليستريتور adobe illustrator تحميل بس مش عندك جهاز كمبيوتر أو لاب توب، أو جهاز الكمبيوتر بتاعك أو اللاب توب بتاعك إمكانياته مش عاليه ومش بيشغل برامج التصميم ؟ تابع المقالة دي للآخر وهتقدر من بيتك ومن خلال التليفون بتاعك تكون فريلانسر محترف .
إيه رأيك لو قولتلك هتتعلم فوتوشوب من غير برنامج فوتوشوب ادوبي و عن طريق تليفونك المحمول ، طب إيه رأيك لو قولتلك هتتعلم تعمل شعارات أو لوجوهات من غير اليستريتور أو من غير ما تحتاج برنامج أدوبي اليستريتور؟ وكمان هتتعلم جرافيك ديزاين من خلاله تليفونك برضو .
جايبلكم انهارده أقوى دورة لتعلم تصميم الصور و الجرافيك ديزاين واللوجو و كمان كارت البزنس أو الكارت الشخصي وكمان أغلفة الكتب وغيرها من التصميمات ، كل ده هتقدر تتعلمه في خلال يومين أو تلاته من بيتك و باستخدام التليفون بتاعك من غير كمان ما يكون عندك جهاز كمبيوتر أو لاب توب.
متطلبات كورس تصميمات السوشيال ميديا
كل إللي هتحتاجه في كورس سوشيال ميديا ده هو تليفونك المحمول و مش شرط يكون تليفون إمكانياته عالية ، أي إمكانيات ممكن من خلالها تستفاد من الكورس ده ، وكمان محتاج إنك يكون عندك إنترنت لأن الدورة معتمدة على الإنترنت في كل حاجة ، وكمان هتحتاج إنك تنزل برامج الفوتوشوب إللي هنقول عليها في الدورة وإللي هتبدأ تشتغل من خلالها زي برنامج بيكسلاب و برنامج فوتوبيا وغيرهم من البرامج اللي هتقابلك في فيديوهات الدورة .إيه إللي هتعمله في كورس تصميمات السوشيال ميديا
هتتعلم خلال كورس تصميمات السوشيال ميديا ده إن شاء الله إزاي تعمل تصميمات السوشيال ميديا إللي هتحققلك دخل كويس جدا وإللي هتستفاد منها في إنك تعمل إعلانات للعميل أو تصميمات يطلبها منك زبون معين ، كمان هتتعلم إزاي تعمل كارت شخصي أو كارت بزنس لأي حد عايز يعمل كارت لنفسه ، زي مثلا لو دكتور عايز يعمل كارت لنفسه عشان يتعرف آكتر ويجيله ناس آكتر العيادة بتاعته أو كارت لمدرس بيدي دروس خصوصية أو كارت شخصي لأي عميل من العملاء ، كمان هتقدر تتعلم إزاي تصمم غلاف كتاب بطريقة احترافية جدا ، كمان هتتعلم إزاي تعمل تصميم لإعلان لمنتج معين سواء شركات صغيرة أو شركات كبيرة أو مطاعم أو غيرها، كمان هتتعلم خلال الكورس ده إن شاء الله إزاي تعمل لوجو احترافي جدا لشركات أو مؤسسات أو أشخاص وكمان هتتعلم إزاي تعمل عروض المطاعم وكافيهات حابه تعمل عرض لمنتجاتها وكل ده بطريقة احترافية جدا وعن طريق الهاتف المحمول دون الحاجة لجهاز كمبيوتر أو لاب توب وهتحس بفرق كبير جدا وإنت بتتابع الدورة .
محتوى كورس تصميمات السوشيال ميديا
دورة تصميمات السوشيال ميديا عن طريق الهاتف بتحتوي على 15 فيديو مدة الفيديو لا يتجاوز 10 دقايق يعني حوالي ساعتين ونص أو أقل كمان لأن في فيديوهات مش مكملة 5 دقايق كمان ، الفيديوهات دي هتتعلم من خلالها كل التصميمات إللي قلنا عليها في أول المقالة من تصميمات إبداعية و تصميم كارت شخصي و تصميم غلاف كتب وتصميم لوجو و عروض مطاعم وشركات حتى احتراف التصميم وهتشوف بنفسك جمال وسهولة الموضوع من خلال الطريقة إللي بيتعرض بيها الكورس .هعمل إيه بعد ما اخلص الكورس
طبعا سألت نفسك هتعمل إيه بعد الكورس وإزاي هتبدأ تحقق ربح يومي وشهري، في خلال الكورس ده إن شاء الله هتتعلم إزاي ترفع تصميماتك على مواقع بتدخلك فلوس كل تحميله، يعني بمجرد ما حد يحمل الصورة بتاعتك إنت هتكسب من خلاله فلوس ، وكمان هتتعلم إزاي تتعامل مع العميل في إنك تقدمله الاوردر إللي هو طالبه وتحقق دخل محترم جدا وكل ده من خلال تليفونك المحمول مش هتحتاج لجهاز كمبيوتر أو لاب توب كل ده خلال كورس تعلم تصميمات السوشيال ميديا.للدخول لكورس تصميمات السوشيال ميديا اضغط هنا
تعليقات
إرسال تعليق